http://www.grunnborg.is/ Nepal vefumsjón - www.nepal.is http://www.grunnborg.is/nr/128664 http://www.grunnborg.is/nr/128664 Mon, 14 May 2012 14:35:00 GMT Miðvikudaginn 16. maí verður hjóladagur í skólanum, hjá nemendum í fjórða til áttunda bekk. Nemendur eru hvattir til að koma á hjólum í skólann þennan dag, hjóla á gangstéttum og vera með hjálma. Þennan morgun verður gangbrautarvörður við gangbrautina hjá leikskólanum Klettaborg. Þrautabrautin verður staðsett á planinu við Íþróttamiðstöðina og eru nemendur beðnir um að geyma hjólin sín vestan við sundlaugina (á milli sundlaugar og vallar). Nemendum og foreldrum er bent á að skoða vel leiðbeiningar á bakhliðinni á síðustu Vikufréttum ( sjá http://grunnborg.is/upplysingar/vikufrettir). Nemendur mæta við Íþróttamiðstöðina samkvæmt eftirfarandi áætlun: o Fjórði bekkur kl. 9:00. o Fimmti bekkur kl. 10:00 o Sjötti bekkur kl. 11:15 o Sjöundi bekkur kl. 12:10 o Áttundi bekkur kl. 13:20 http://www.grunnborg.is/nr/128639 http://www.grunnborg.is/nr/128639 Mon, 14 May 2012 09:37:00 GMT Frá og með 14.maí og til skólaloka, verður öll leikfimikennsla úti. Því er nauðsynlegt að börnin komi með föt til útiíþrótta og taka verður mið af veðri. Allir fara í sturtu eins og venjulega. Fatasund fyrir 5. bekk og eldri verður vikuna 14.-18.maí, hrein föt. Íþróttakennarar http://www.grunnborg.is/nr/128550 http://www.grunnborg.is/nr/128550 Thu, 10 May 2012 15:21:00 GMT 27. apríl fór 2. bekkur í heimsókn í garðinn hjá Jónasi Bjarka að skoða hvolpa sem þá voru 7 vikna gamlir. Hvolparnir fengu mikið klapp og knús frá krökkunum. Síðan var brugið á leik í Skallagrímsgarði. http://www.grunnborg.is/nr/128549 http://www.grunnborg.is/nr/128549 Thu, 10 May 2012 15:12:00 GMT 9. maí s.l. útskrifuðust nemendur af Vinir Zippýs námskeiði sem er hluti af lífsleikninámi. En lykilatriði í námsefninu fellst í því að nemendum er kennt að átta sig á ýmsum tilfinningum sem með þeim hrærast og þeir læra að tala um líðan sína við aðra. Einnig er mikilvægt að bera virðingu fyrir öðrum, að tileinka sér hjálpsemi ásamt því að geta sett sig í spor annarra. Kennsla á þessu efni hefur staðið yfir í 12 vikur, tvær kennslustundir í hverri viku. Farið var á Bjössaróló, þar léku nemendur sér í dágóða stund í blíðskaparveðri, allir fengu síðan ávexti og vatn að drekka. Að lokum fengu allir viðurkenningarskjal fyrir þátttöku í námskeiðinu. http://www.grunnborg.is/nr/128544 http://www.grunnborg.is/nr/128544 Thu, 10 May 2012 14:55:00 GMT Þann 7. maí síðastliðinn kom áströlsk fjölskylda í heimsókn til okkar í 5. bekk. Chris pabbinn er slökkviliðsmaður, Susie mamman er flugumferðarstjóri og Darcy Mcgovatt er 7 ára strákur. Guðbjörg mamma Sigurðar í bekknum okkar fór á alheimsskátamót í ástralíu 15 ára gömul. Þar kynntist Guðbjörg Susie og fékk að gista hjá henni áður en hún fór á mótið. Susie fékk upplýsingar hjá skátunum á Íslandi um hana Guðbjörgu og datt í hug að heimsækja hana. Darcy, Chris og Susie sögðu okkur t.d. frá því að sumar í Ástralíu er í mánuðunum desember til febrúar, en núna er haust hjá þeim þegar það er vor hjá okkur. Þau sögðu okkur m.a. að í vaskinum og klósettinu hjá þeim snýst hringbunan klukkuhringinn en öfugt hjá okkur. Í smáhluta af Ástralíu búa breiðnefir eða eins og þeir eru kallaðir í ÁstralíuPlatypus. Áður en þau fóru gáfu þau okkur smá gjöf sem var lítill kóalabjörn, þeir einkenna Ástalíu og þeir lifa á laufum af Ecualyptus eða gúmmítrjám og komast í vímu og sofna. Það var mjög gaman að fá þessa heimsókn og fræðast um Ástralíu. Jóhanna Lilja Gautadóttir 5. bekk http://www.grunnborg.is/nr/128509 http://www.grunnborg.is/nr/128509 Thu, 10 May 2012 11:30:00 GMT Foreldrafélag Grunnskólans í Borgarnesi boðar til aðalfundar þriðjudaginn 22. maí kl. 20:00 í náttúrufræðistofu skólans. Dagskrá a) Skýrsla formanns um starfsemi félagsins á liðnu ári. b) Lagðir fram reikningar félagsins. c) Lagabreytingar. d) Kosning tveggja stjórnarmanna til tveggja ára og tveggja í varastjórn. Hilmar Már Arason aðstoðarskólastjóri verður með kynningu á hugmynd um uppstokkun á bekkjum á þriggja ára fresti. Foreldrafélagið hvetur alla foreldra til að mæta sem og aðra sem hafa áhuga á skólastarfi í Borgarnesi. Stjórn Foreldrafélags Grunnskólans í Borgarnesi. http://www.grunnborg.is/nr/128465 http://www.grunnborg.is/nr/128465 Wed, 09 May 2012 09:56:00 GMT Myndbönd frá árshátíð skólans er komin inn á vefsíðuna. Hægt er að sjá myndböndin með því að fara í Myndir - Myndbönd og velja Árshátíð 2012. Einnig er hægt að ýta hér Atriði frá nemendum í 9. og 10. bekk http://www.grunnborg.is/nr/128123 http://www.grunnborg.is/nr/128123 Mon, 30 Apr 2012 12:06:00 GMT Matseðill fyrir síðasta mánuð þessa skólaárs, maí, er kominn og má finna hann hérna undir. http://www.grunnborg.is/nr/128122 http://www.grunnborg.is/nr/128122 Mon, 30 Apr 2012 12:01:00 GMT Í vikunni sem leið, þriðjudag til fimmtudags, voru verðandi nemendur 1. bekkjar næsta skólaárs hér í skólanum við leik og störf. Verðandi umsjónarkennarar þeirra kenndu með aðstoð starfsmanna leikskólans. Nemendur mættu að morgni og voru hér fram undir hádegi. Hópurinn er nokkuð stór að þessu sinni eða 34 nemendur. Var gaman að sjá lifandi áhuga þeirra á því sem bíður þeirra á næstu árum. Örfáar myndir voru teknar fyrsta daginn. http://www.grunnborg.is/nr/127990 http://www.grunnborg.is/nr/127990 Wed, 25 Apr 2012 16:13:00 GMT Í gær, 24. apríl fór 1. bekkur í vorferð. Margir foreldrar tóku sér frí og fóru með. Farið var að Háafelli til að skoða húsdýrin, einkum geiturnar. Jóhanna geitabóndi tók vel á móti hópnum. Byrjað var að borða nesti úti á túni hjá nokkrum geitum sem þáðu vel afganga af brauði. Þá var farið í geitahúsin. Það voru fæddir nokkuð margir kiðlingar sem skemmtilegt var að skoða og leika við. Rúsínan í pylsuendanum var fæðing lítillar huðnu sem fékk nafnið ,,Marta.“ Frá Háafelli var haldið að Varmalandi þar sem 1. bekkur tók á móti hópnum og bauð í hádegismat. Það var vel þegið því það gerir mann svangan að stússa í geitum. Á eftir matinn sýndu nemendur í Varmalandsskóla leiksvæði í skógi rétt við skólann. Þar er sannkallað ævintýraland, með kofum, stigum, rólum og klifurköðlum. Bestu þakkir til Jóhönnu á Háafelli, kennara og nemenda í 1. Bekk Varmalandsskóla, matráðsins og Ingu skólastjóra, fyrir frábærar móttökur. http://www.grunnborg.is/nr/127730 http://www.grunnborg.is/nr/127730 Wed, 18 Apr 2012 14:48:00 GMT Skólinn óskar starfsmönnum, foreldrum og nemendum sem og öðrum velunnurum gleðilegs sumars og þakkar samstarf vetrarins sem senn er á enda runninn. Föstudaginn 20. apríl er vetrarfrí í skólanum og því hefst kennsla að nýju n.k. mánudag skv. stundaskrá. http://www.grunnborg.is/nr/127729 http://www.grunnborg.is/nr/127729 Wed, 18 Apr 2012 14:46:00 GMT Hér birtist matseðill aprílmánaðar þótt nokkuð sé liðið á mánuðinn. http://www.grunnborg.is/nr/127578 http://www.grunnborg.is/nr/127578 Sat, 14 Apr 2012 23:09:00 GMT Í dag var samkoma í FVA þangað sem boðið var 10 efstu þátttakendum, ásamt forráðamönnum, úr hverjum árgangi sem þátt tóku í stærðfræðikeppninni þann 23. mars s.l. Grunnskólinn í Borgarnesi átti tvo fulltrúa í 8. og 9. bekk og hvorki fleiri né færri en fimm úr 10. bekk. Ester Alda Hrafnhildardóttir í 9. bekk varð í 2. sæti í 9. bekk og í 10. bekk voru jöfn í 1. sæti þau Filippía Gautadóttir og Valur Örn Vífilsson. Þessir nemendur hlutu peningaverðlaun sem gefin voru af Norðurál en það fyrirtæki bauð einnig upp á veitingar að verðlaunaafhendingu lokinni. Frábær árangur hjá þessum nemendum öllum og óskum við þeim til hamingju með árangurinn. Meðfylgjandi eru myndir sem teknar voru af þessu tilefni. http://www.grunnborg.is/nr/127528 http://www.grunnborg.is/nr/127528 Thu, 12 Apr 2012 22:49:00 GMT Sveitarstjórn hefur staðfest skóladagatal fyrir næsta skólaár, að fenginni umsögn skólaráðs líkt og lög gera ráð fyrir. Er það aðgengilegt undir "Upplýsingar - skóladagal" Eins má nálgast það hér. http://www.grunnborg.is/nr/127315 http://www.grunnborg.is/nr/127315 Tue, 03 Apr 2012 13:16:00 GMT Starfsfólk skólans sendir öllum nemendum og forráðamönnum þeirra óskir um gleðilega páska. Sérstakar hamingjuóskir fá þeir nemendur skólans og fjölskyldur þeirra sem fermast nú um páskahátíðina. Kennsla hefst á ný, að afloknu páskafríi, miðvikudaginn 11. apríl skv. stundaskrá. Skólastjóri http://www.grunnborg.is/nr/127217 http://www.grunnborg.is/nr/127217 Fri, 30 Mar 2012 23:17:00 GMT Fyrir viku tóku 15 nemendur úr 8. - 10. bekk þátt í stærðfræðikeppni fyrir grunnskóla í Fjölbrautaskólanum á Akranesi. Úrslit verða kynnt laugardaginn 14. apríl n.k. og er boðið þangað 10 efstu úr hverjum bekk. Grunnskólinn í Borgarnesi á tvo fulltrúa í 8. bekk, tvo í 9. bekk og hvorki meira né minna en fimm í 10. bekk. Flottur árangur hjá okkar fólki, til hamingju með það. http://www.grunnborg.is/nr/127161 http://www.grunnborg.is/nr/127161 Thu, 29 Mar 2012 15:56:00 GMT Frá 2. bekk Ingibjörg Hargrave kom í heimsókn í dag og stjórnaði spilabingói hjá okkur. Mikil spenna og gleði ríkti í hópnum og allir fengu bingóvinning að lokum. Alltaf gaman að fá góða gesti í heimsókn í skólann okkar. Takk fyrir okkur Ingibjörg. http://www.grunnborg.is/nr/127040 http://www.grunnborg.is/nr/127040 Mon, 26 Mar 2012 21:51:00 GMT Lokahátíð stóru upplestrarkeppninnar fyrir samstarfsskólana á Vesturlandi fór fram í glæsilegu húsnæði grunnskólans í Hvalfjarðarsveit í dag, mánudag. Til lokakeppninnar komu fulltrúar frá Auðarskóla, Grunnskóla Borgarfjarðar, Laugargerðisskóla, grunnskóla Hvalfjarðarsveitar og héðan úr Borgarnesi, alls 12 keppendur. Var hátíðin öll hin hátíðlegasta undir styrkri stjórn heimamanna. Við sendum þrjá keppendur og fóru leikar svo að Alexandrea Rán Hervigsdóttir 7. HSG stóð uppi sem sugurvegari. Er henni óskað til hamingju með frábæran árangur. Þess má alveg geta að þetta er þriðja árið í röð sem nemandi skólans ber sigur úr bítum. Meðfylgjandi eru nokkrar myndir sem teknar voru við þetta tækifæri. http://www.grunnborg.is/nr/127039 http://www.grunnborg.is/nr/127039 Mon, 26 Mar 2012 21:50:00 GMT Grunnskólinn í Borgarnesi hélt árshátíð sína í Hjálmakletti s.l. fimmtudag eins og kunnugt er. Auglýstar voru tvær sýningar og var aðsókn mjög góð að þeim báðum, raunar fullt hús á fyrri sýningunni. Þetta er í fjórða sinn sem árshátíð skólans er haldin á þessum stað. Þema hátíðarinnar núna var „hollusta og hreyfing“ og var það gegnumgangandi í öllum atriðum. Allir árgangar skólans voru með atriði og tókust þau öll frábærlega vel. Eiga kennarar, nemendur og aðrir starfsmenn miklar þakkir skildar fyrir mikla vinnu sem svo vel skilaði sér. Myndir frá hátíðinni munu birtast hérna á síðunni mjög fljótlega. http://www.grunnborg.is/nr/126853 http://www.grunnborg.is/nr/126853 Wed, 21 Mar 2012 14:24:00 GMT Í morgun fór fram generalprufan fyrir árshátíðina sem haldin verður á morgun, fimmtudag. Tvær sýningar verða, sú fyrri kl. 16:30 og sú seinni kl. 18:30. Generalprúfan gekk vel, flott atriði og ávísun á góða skemmtun á morgun.