Fjöruferð

Ritstjórn Fréttir

Í fjörunni
3.bekkur fór í Akrafjöru 25, september. Komið var í Akrafjöru um 9:30 og var þá byrjað á því að borða nestið og fá sér heitt kakó, sem nemendur höfðu komið með heiman frá sér á hitabrúsa, en kennarnir voru líka með heitt vatn og Swiss miss til að gefa þeim sem ekki höfðu með sér kakó. Eftir nestistímann var farið niður í fjöru og heillaði sjórinn margan nemandann og fóru allflestir sem voru í stígvélum að vaða og reyna að forða sér undan öldunum.
Þegar búið var að fá nægju sína á vaðinu hjálpuðust nemendur að búa til stíflur og skurði sem þeir fylltu af vatni. Var þetta orðið hið mesta stífluvirki en stundum gáfu veggirnir sig og hjálpuðust þeir þá að gera við brostna veggi. Margir fóru að týna skeljar og dót og komum við með fulla poka af allskonar skeljum heim sem við getum notað í fjörverkefnið okkar. Þetta var hinn skemmtilegasti dagar í haustsólinn og komu blautir og ánægðir krakkar í skólann kl:12. Skoða myndir