Nemendur fá Nýja testamentið

Fimmtudaginn 15. nóvember fengu nemendur í 5. bekk góða heimsókn. Það voru tveir félagsmenn úr Gídeonfélaginu á Akranesi sem komu færandi hendi með Nýja testamentið. Á hverju hausti í yfir 40 ár hafa hafa félagar í Gideon hreyfingunni heimsótt grunnskóla landsins og gefið nemendum í 5. bekk Nýja testamenti.

Þeir félagar byrjuðu á stuttri kynningu um Gideonfélagið. Síðan voru testamentin afhent hverjum nemanda persónulega með handabandi. Kennt var örlíðið á hvernig best er að nota bókina og flett upp á nokkrum versum og þau lesin saman. Nemendur fylgdust með að athygli og voru ánægðir með nýju bókina sína sem á örugglega eftir að koma sér vel í framtíðinni.

Gídeonfélagið á Íslandi var stofnað í ágúst 1945. Félagið dreifir Nýja testamentum og Biblíum til tíu ára skólabarna, á hótelherbergi, við sjúkrarúm, við rúm aldraðra á dvalarheimilum, í fangaklefa og víðar.
Gídeonfélagið á Íslandi er hluti af Alþjóðasamtökum Gídeonfélaga.