Nám að loknum grunnskóla á átta tungumálum

Ritið ,,Nám að loknum grunnskóla“ um skipulag náms og námsframboð framhaldsskóla kemur nú í fyrsta sinn út á fleiri tungumálum en íslensku. Megininntak ritsins hefur verið þýtt á átta tungumál; ensku, litháísku, pólsku, rússnesku, serbnesku, spænsku, taílensku og víetnömsku.

Bæklingurinn er bæði á íslensku og erlendu tungumáli og því auðvelt fyrir námsráðgjafa, kennara og aðra sem eru í samskiptum við heimili ungmennanna, að koma skýrt til skila hvaða möguleikar eru á námsleiðum að loknu grunnskólanámi. Í bæklingum er jafnframt getið, í sérstakri töflu, um þá skóla sem bjóða upp á námsleiðir í íslensku fyrir þá sem hafa annað móðurmál en íslensku. Þetta á einnig við um þau íslensku ungmenni sem eru að flytjast til landsins og þurfa sérstakan stuðning í íslensku vegna langrar dvalar erlendis.

Heimild: www.menntagatt.is