Mánudaginn 9. desember var sérstakur þemadagur á unglingastigi. Þemað var að þessu sinni stærðfræði og verkefnið sem nemendur unnu bar heitið „Hvað kosta jólin?“
Nemendur unnu í pörum og fólst verkefnið í að gera kostnaðaráætlun fyrir fjögurra manna fjölskyldu fyrir aðfangadag. Reiknaður var út kostnaður við mat allan daginn, gjafir, fatnað og loks jólatré og skraut á það.
9. og 10. bekkur unnu verkefnið í exel og útbjuggu glærukynningu í power point. Nemendur 8. bekkjar gerðu grein fyrir niðurstöðum sínum á veggspjöldum. Niðurstöður verða kynntar í stærðfræðitímum á næstu dögum.
