Vetrarfrí verður mánudaginn 21. og þriðjudaginn 22. febrúar. Miðvikudagurinn 23. er skipulagsdagur og þá fellur kennsla niður. Foreldraviðtöl verða fimmtudaginn 24. febrúar. Mikið af fatnaði og íþróttadóti er í óskilum og verður því komið fyrir við sviðið í salnum. Foreldrar og forráðamenn eru vinsamlegast beðnir um að skoða óskilamunina og taka með sér það sem þeir kannast við. Að vanda verður boðið upp á kakó og vöfflur með rjóma í salnum.
Grunnskólinn í Borgarnesi - Sjálfstæði - ábyrgð - virðing - samhugur