Bett2003

Ritstjórn Fréttir

Í dag hefst í London viðamikil sýning og ráðstefna um tölvu- og upplýsingatækni í skólum. Sýningin nefnist Bett2003 og er árlegur viðburður.

Rómeó og Júlía

Ritstjórn Fréttir

Nemendur 9. bekkja hafa undanfarið verið að fræðast um bókmenntaverkið Rómeó og Júlíu. Af því tilefni fara nemendur og kennarar ásamt nokkrum forráðamönnum í leikhús n.k. föstudag og sjá verkið.

Fjárhagsáætlun 2003

Ritstjórn Fréttir

Nú er verið að leggja síðustu hönd á fjárhagsáætlun skólans. Eins og fram hefur komið fær skólinn núna úthlutaðan s.k. fjárhagsramma sem hann verður að sníða starfsemi sína að. Fyrir liggur að gæta verður strangasta aðhalds í rekstri til þess að ná markmiðum, bæði í starfsmannahaldi og almennum rekstri. Verður því megináherslan lögð á að sinna lögboðnum verkefnum með sem bestum hætti.

Nýir nemendur

Ritstjórn Fréttir

Nú um áramótin fjölgar nemendum skólans um þrjá. Fimm koma nýir inn en tveir hætta. Eru þá 319 nemendur skráðir í skólann og hefur þeim fjölgað um 10 frá því skólinn var settur í ágúst.

Opnun heimasíðu

Ritstjórn Fréttir

Í dag verður þessi heimasíða tekin formlega í notkun. Gamla síðan sem vistuð hefur verið hjá Ísmennt hefur verið aflögð. Vonandi tekst að gera þessa síðu að virkum upplýsingamiðli um skólann og verði þannig einn liður í því að auka samvinnu heimila og skóla.

Upphaf kennslu á nýju ári

Ritstjórn Fréttir

Kennsla hefst að nýju eftir jólaleyfi mánudaginn 6. janúar skv. stundaskrá. Er það von okkar að allir hafi átt ánægjulegt jólafrí og komi því endurnærðir og hressir til starfa á nýju ári.

Samkoma í íþróttamiðstöðinni

Ritstjórn Fréttir

Nemendur, starfsmenn og töluverður fjöldi forráðamanna kom saman í íþróttamiðstöðinni í tilefni litlu jólanna til að taka þátt í dagskrá litlu jólanna.

„Litlu jólin“

Ritstjórn Fréttir

Litlu jólin eru haldin hátíðleg í dag í skólanum. Dagurinn byrjaði á því að nemendur komu saman í stofum sínum og héldu s.k. stofujól.

Jólaföndur á miðstigi

Ritstjórn Fréttir

Í morgun hafa nemendur miðstigs verið í jólaföndri og hefur verið létt yfir mannskapnum. Töluvert margir foreldrar sáu sér fært að koma og föndra með börnum sínum og er það ákaflega ánægjulegt. Myndir frá morgninum er hér að finna. Mynd 1. Mynd 2. Mynd 3. Mynd 4.

Viðurkenningar fyrir reykleysi

Ritstjórn Fréttir

Árlega veitir Krabbameinsfélagið og Tóbaksvarnarnefnd 200 nemendum úr 9. og 10. bekk sérstakar viðurkenningar (armbandsúr) fyrir reykleysi. Þrír nemendur skólans fengu slíka viðurkenningu, þeir Valur Magnússon í 9B, Edda Bergsveinsdóttir 9B og Margrét Hildur Pétursdóttir 10.bekk. Er þeim óskað til hamingju.