Námsmat er samofið allri kennslu og eru kennarar og nemendur alltaf að meta verk sín, hvernig til hafi tekist. Markmiðin með námsmati eru:
- að örva nemendur, aðstoða þá við námið og hvetja þá til sjálfsmats
- að meta framfarir og getu nemenda sem nýtist við skipulagningu á áframhaldandi námi þeirra
- að leggja áherslu á sjálfsmat nemenda frá upphafi skólagöngu
Auk hefðbundinna námsmarkmiða er lögð áhersla á að meta frammistöðu nemenda í skólanum það er gert með svokölluðum frammistöðumarkmiðum sem tengjast stefnu (einkunnarorðum) skólans. Þeir þættir sem lagðir eru til grundvallar eru:
Sjálfstæði og ábyrgð
- sýnir áhuga og tekur frumkvæði
- tekur ábyrgð á námi sínu
- vinnubrögð
Virðing og samhugur
- ber virðingu fyrir umhverfi sínu.
- ber virðingu fyrir skólafélögum.
- ber virðingu fyrir starfsfólki
- sýnir samstarfshæfni
Skólaárinu er skipt upp í þrjár annir og er formlegu námsmati skilað í lok hverrar annar. Námsmati á haust- og miðönn er skilað í foreldraviðtölum en þar setja nemendur sér einnig markmið fyrir næstu önn í samstarfi við kennara og foreldra. Námsmati að vori er skilað með frammistöðumati í Mentor en skólaeinkunnum er skilað skriflega á einkunnarblaði sem nemandi fær afhent við skólaslit. Mentor heldur utan um námsmatið og birtist það í verkefnabókum yfir veturinn og frammistöðumati í lok hverrar annar.
Að vori fá nemendur skólaeinkunnir sem byggja á einkunnum fyrir próf og kannanir ásamt mati á frammistöðu; vinnuframlagi, áhuga og verkefnaskilum nemanda í viðkomandi grein yfir veturinn. Útfærsla á vægi prófa á móti öðru vinnuframlagi nemenda í skólaeinkunn skal koma fram í námsáætlunum kennara að hausti.
Uppfært 08/2016