Úngfrúin góða og Húsið

Sagan fjallar um fólkið í Húsinu sem er annt um mannorð sitt og grípur til örþrifaráða svo blettur falli ekki á heiður fjölskyldunnar. Í forgrunni eru samskipti systranna Þuríðar og Rannveigar.

Rannveig er send í skóla til Kaupmannahafnar. Þar verður hún barnshafandi og barnsfaðirinn svíkur hana. Lygum og blekkingum er beitt til að mannorð fjölskyldunnar bíði ekki hnekki.

Sagan kom fyrst út í safninu Fótatak manna árið 1933. Hún hefur verið gefin út á fjölmörgum tungumálum. Halldór Laxness er höfundur sögunnar og dóttir hans, Guðný Halldórsdóttir, gerði kvikmynd byggða á sögunni.