Jólaball Grunnskóla Borgarfjarðar verður haldið fimmtudaginn 6. desember á Varmalandi. Nemendum í unglingadeils GB er boðið á ballið. Lagt verður af stað úr Borgarnesi kl. 19.00 og heimkoma er áætluð ekki seinna en kl. 23.00. Rútan tekur nemendur upp við Óðal en við heimkomu ekur hún skólabílshringinn. Farið er nemendum að kostnaðarlausu en aðgangseyrir á ballið er 15oo krónur.

Almennar skólareglur Grunnskólans í Borgarnesi gilda í ferðinni og brjóti nemandi reglur verða foreldrar eða forráðamenn að sækja viðkomandi. Leyfi foreldra þarf til að fara á ballið og skila þarf inn leyfisbréfi í síðasta lagi miðvikudaginn 5. desember.

Fyrirlestur fyrir 8. – 10. bekk á vegum Forvarnarhóps Borgarbyggðar.  Fjallað verður um sjálfsmynd, áhrif samfélagsmiðla og samskipti kynjanna.  Kári Sigurðsson og Andrea Marel hafa undanfarin fjögur ár flutt fyrirlestra um sjálfsmynd, samfélagsmiðla og samskipti kynjanna undir fyrirsögninni Fokk Me – Fokk You. Þau aðlaga fræðsluna að þeim málum sem upp koma hverju sinni en segja rauða þráðinn vera samskipti á samfélagsmiðlum.

Fræðslan er ætluð unglingum og ungmennum, foreldrum þeirra og aðstandendum og fólki sem starfar með unglingum.

Fyrirlestur fyrir foreldra verður haldinn í Óðali fimmtudaginn 6. desember. Mælt er með að foreldrar nemenda í unglingadeild mæti á fyrirlesturinn svo samtal um efni hans geti átt sér stað milli ungmenna og foreldra þeirra. Fyrirlesturinn á fimmtudag hefst kl. 18.30 og er opinn öllum.